Ribut Taufan Vongfong (ke dikumbai Ribut Ambo ba Pilipina) mangka pulau Samar kena 14 Mei 2020. Tu meh ribut keterubah ke ninggang begian Tasik Pasifik Barat kena taun 2020, lalu iya dikumbai ribut kategori 3. Ribut nya mangka pulau Samar, mai angin kuat enggau penyampat 185 kilometer sejam (115 batu sejam). Beratus ribu iku orang dipindahka. Tu amat tusah digaga ketegal perintah ngasuh semua orang ngenyauhka diri ari orang bukai.

Taja pan nadai seiku pan ari menyadi Kristian kitai bakal, tang 59 iku ari sida patut dipindahka ari rumah sida. Semua sida diau ba sekula nyadika endur belindung tauka ba rumah bala Saksi ke bukai. Pia mega, bisi 82 buah rumah menyadi kitai sereta lime buah Palan Gempuru ke rusak tauka abis rusak. Komiti Pampang Opis Pilipina udah numbuhka dua iti Komiti Tulung Pengerusak Alam kena mantu bala menyadi ke ditinggang penusah ribut tu, sereta ngeringka pengarap sida.

Kitai semua deka terus besampi ke bala menyadi kitai di Pilipina ke benung natka pemerinsa, ukai semina ketegal ribut taufan tu, tang pia mega ketegal penusah COVID-19. Kitai andalka Jehovah, sempama batu ti kering sereta enda berubah, deka terus nyaga kitai sereta nyediaka utai ke diguna.—Isaiah 26:4.