Ba pun bulan Ogos 2019, ujan lebat enggau ribut kudi nyadi ba Pilipina, lalu ngujungka endur nya kena ampuh bah sereta tanah tusur. Utai ke ngenyinuka ati, seiku ari menyadi lelaki kitai, ke nyadi pengerintis spesial enda lama, ditabanka tanah tusur ke nyadi ba Natonin, Bukit Province. Seiku da agi menyadi lelaki kitai ke mega pengerintis spesial enda lama, bisi telih mimit ketegal tanah tusur. Ba endur bukai, seiku anak mit lelaki ke beumur sepuluh taun bakal kena laban utai ke labuh, diatu agi benung diperesa sereta diubat.

Nadai rumah menyadi kitai ke balat rusak. Tang, siti Palan Gempuru ba Negros Occidental bisi rusak mimit. Sekeda ari perabung palan nya runtuh ketegal ribut kudi.

Pampang opis Pilipina enggau tuai ti ngabas ba menua nya, datai meransang sereta ngeringka pengarap ruang bilik menyadi kitai ke nyadi mansa.

Kitai mega berasai sinu ati maya nemu pasal berita tu. Sama-sama meh kitai besampika semua orang ke ditinggalka menyadi kitai nya. Kitai deka nganti maya semua pemerinsa deka “deka agi dikingatka.”—Isaiah 65:17.