Kena 24 Oktober, ribut Yutu ti balat udah mangkaka semua pulau ke bisi ba Mariana Utara. Udah nya, ribut ti sama mangkaka Luzon, pulau ti pemadu besai ba Pilipina, kena Hari Dua, 30 Oktober. Ujan ti balat ke dibai ribut nya ngujungka ai bah sereta tanah tusur ke tau nganu nyawa. Beribu-ribu iku orang dipindahka, lalu 11 iku orang bebadi.

Nitihka riput ari pampang opis Pilipina, nadai bala menyadi Kristian kitai bebadi tauka bakal ketegal ribut nya. Taja pia, 73 buah rumah bala menyadi Kristian kitai enggau 6 buah Palan Gempuru rusak. Pampang opis Pilipina benung ngatur pengawa meri bantu.

Kitai terus besampika bala menyadi Kristian kitai ba Pilipina, ke udah napi 18 iti ribut ti balat taun tu. Enggau nya, kitai arapka Jehovah deka nyaga kitai.—Masmur 55:22.