Kena 7 Januari 2020, tanah berenyang enggau pemalat 6.4 nyadi ba Puerto Rico. Udah nya, bisi beratus iti tanah berenyang majak nyadi nangkaka nya. Ba pagi kena 11 Januari, sekali agi tanah berenyang enggau pemalat 5.9 ba pulau nya.

Nyentukka seharitu, agi bisi beberapa iti endur agi nadai karan. Lalu mayuh orang diau ba luar rumah sida. Pampang opis Amerika Serikat nadai nerima riput ti madahka, bisi menyadi kitai pedis tauka bebadi ketegal penusah tu. Tang bisi 248 iku orang ke patut dipindahka. Kelimpah ari nya, 8 buah rumah penginjil abis rusak, lalu 70 buah da agi nya rusak. Sepuluh buah Palan Gempuru mega rusak ketegal penusah tu. Komiti Tulung Pengerusak Alam, begulai enggau tuai ti ngabas, ngatur bantu ke diguna. Sida mega meransang bala menyadi kitai ke kena penusah tu.

Taja pan enda senang, bala menyadi kitai tetap ngereja utai ti negapka pengarap sida baka selama. Menyadi Robert Hendriks, ngatur pengawa nginjil ba begian Humas di pampang opis Amerika Serikat madahka, “Puerto Rico jarang kena tanah berenyang. Maya utai tu nyadi, semua menyadi berasai amat irau. Tang sida agi berunding enggau manah, nya meh ke ngeringka kami. Sida agi datai begempuru, sereta enggau naka ulih nginjil, taja pan nadai ai tauka karan. Bala tuai gempuru mega amat mayuh nulung. Sida datai ngabas, meransang, sereta nulung bala menyadi ke bukai.”

Bala menyadi kitai agi ngemeratka utai ti diguna ba pengarap taja pan napi penusah. Kitai berasai diperansang ari teladan sida. Kitai besampi, ngambi Jehovah nulung sida betan napi penusah tu.—Masmur 119:165.