26 OGOS 2021
RUSIA

Apai ngagai Dua Iku Anak Diemba enggau Ukum Jil Pengelama 15 Taun Ketegal Pengarap Iya

TEBAH

Garis Timpuh

Kena 24 Disember 2021, Kot Nengeri Uray ba Khanty-Mansi Autonomous Area—Yugra ngumbai Menyadi Andrey Sazonov besalah lalu ngasuh iya mayar denda enggau penyampau 500,000 rubles (kira-kira $6,785 U.S. tauka RM28,532.) Sebedau tu, iya dijangka deka diberi ukum jil pengelama 15 taun. Taja pan kitai tusah ati nemu menyadi kitai udah dikumbai besalah, tang kitai gaga ati iya enda dijil
22 Jun 2020

Kes jenayah Andrey berengkah
22 Ogos 2019

Iya badu agi ditan ba dalam rumah tang pejalai iya ngagai endur bukai disekat, sereta bisi sekat ke bukai ke udah ditetapka kot
26 Februari 2019

Dipindahka ngagai rumah lalu ditan ba dia
6 Februari 2019

Iya ditepuka ba jil sementara lalu dua hari pengudah nya, pengudah endur kereja enggau kerita iya diserungkai, iya dipindah ngagai pusat ngetanka orang sebedau nganti kes pechara
31 Januari 2019

Dituduh “enggau pengawa ekstremis” enggau “ngatur pengawa ke gerempung ekstremis”

Profil

Andrey Sazonov

Ada: 1980 (Moscow)

Biograpi: Gawa ba opis ke siti kompeni besai ke ngaga perengka ngangatka rumah. Jadi enggau Viktoria, seiku cikgu jaku English, kena taun 2002. Sida bisi seiku anak indu, Irina (Ira), enggau seiku anak lelaki, Vyacheslav (Slava)

Berengkah belajarka Bup Kudus enggau Saksi Jehovah kena 1990-an lalu dibaptisa kena taun 1997

Interbiu

Nama utai ke pemadu tusah ke ditapi nuan?

Utai ke pemadu tusah iya nya jauh enggau orang ke dikerinduka aku lalu nemu aku enda ulih ngereja sebarang utai kena nulung sida. Berundingka baka ni diri sebilik aku napi penguji tu ngasuh aku balat irau. Aku mega irau, ukai rumah kami aja, tang rumah bala menyadi ke bukai mega diserungkai.

Nama utai ke nulung nuan mengkang positif lebuh ditan?

Aku nemu, semua utai ke nyadi enda ulih ditagang aku. Bisi maya aku enda nemu nama utai ke deka nyadi. Pintu sil deka dibuka lalu aku ulih dibai ngagai sebarang endur. Aku patut bisi runding ti betul pasal utai tu. Lebuh pemerinsa nyadi, aku teringat Rome 12:21 ke madahka: “Anang alah laban penyai, tang alahka penyai ngena pemadas.” Aku udah meda baka ni prinsip tu mayuh kali nyadi ba pengidup aku. Nya alai aku mutuska diri, enda ngira baka ni chara orang ngelayan aku, aku deka manah enggau orang bukai. Aku nguji ngayanka ulah ti mereti sereta pemanah ati ngagai semua orang. Aku nguji enda ringat ngagai sida ke betanggungjawapka pemerinsa aku. Endang ngagaka ati lebuh meda orang berubah laban sida nyangka nuan deka ringat, tang nuan ngayanka pemanah enggau chara ti enda disangka sida!

Sebedau kami sebilik napi penguji tu aku belajarka dua iti lagu, iya nya “Never Give Up” enggau “Beri meh Aku Pemerani.” Lagu tu negu ati aku. Aku seruran belaguka lagu tu lebuh aku dijil. Utai tu meri aku pengering ngambika aku ulih terus betan.

Nama utai ke deka dikunsi nuan ngagai orang ke deka nyediaka diri ke penguji ila?

Kereja meh semua utai ke ulih dikereja nuan kena semak ngagai Jehovah lalu kisukka meh diri ngereja peneka Jehovah diatu. . . . Mayuh agi nuan ngereja utai ke ngasuh Jehovah gaga ati, mimit agi awak ke deka dikena nuan ba utai ke ulih ngelimpang sereta ngelemika pengarap nuan.

Kitai amat beterima kasih ke teladan manah bala menyadi kitai ba Rusia ke enda ngetu-ngetu diperinsa. Kitai andal Jehovah deka terus ngeringka sida.—Masmur 138:3.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU