Kena 25 Januari 2022, Kot Pelilih Trusovskiy ba Daerah Astrakhan meri ukum jil pengelama enam taun ngagai Anna ke beumur 56 taun. Iya terus dibai ngagai jil.

1. 28 Mei 2021

   Iya dituduh ngereja jenayah

2. 2 Jun 2021

   Piak bekuasa nyerungkai rumah seduai indai iya ke beumur 81 taun. Anna dianjung ngagai rumah jil sementara

3. 3 Jun 2021

   Iya dibibas ari rumah jil sementara lalu ditan ba rumah. Enda dikemendarka pansut ari rumah kelimpah ari bejalai pengelama sejam ari pukul 9 pagi nyentuk ngagai 10 pagi

4. 10 Jun 2021

   Nama iya tama dalam lis ekstremis lalu iya ditagang ngambi duit ari akaun bank iya

5. 24 Januari 2022

   Komen iya ti penudi ba kot, ku iya: “Ba Matthew 5:44 Jesus ngajar bala murid iya ‘rinduka munsuh kita, lalu besampika orang ke merinsaka kita.’ Nama kebuah? Laban bisi mayuh orang ke merinsaka kitai nyadi penyembah Jehovah.”

   “Aku ngarapka abis nadai seiku ari bala pegawai Federal Security Service, bala penasat, sekuriti, luyar enggau orang bukai ke ninga aku lalu meda ulah aku, ngubah runding sida pasal Saksi-Saksi Jehovah . . . Engka seiku ari sida deka belajarka Bup Kudus, ngiga saut lalu bisi pengingin deka ngelala Petara, indah nyadi penyembah Iya.”

6. 25 Januari 2022

   Iya diukum jil pengelama enam taun

Kitai amat diperansang ari teladan bala menyadi ti tetap ati ba Rusia enggau Crimea seraya kitai bepanggai ba Apai kitai ti di serega, ngambika Iya nulung kitai terus betan lebuh kitai napi penguji.—2 Tesalonika 1:4.