26 JANUARI 2022 | DIADUKA BARU: 27 JUN 2023
RUSIA
BERITA TI PEMADU BARU—BALA MENYADI KITAI DIJIL | Bala Menyadi ba Tynda Liat Ati Laban Nulung Orang Bukai sereta Andalka Jehovah
Kena 23 Jun 2023, Kot Pelilih Tyndinskiy ba Daerah Amur ngumbai Menyadi Vladimir Bukin, Mikhail Burkov, Valeriy Slashchev enggau Sergey Yuferov besalah. Mikhail deka dijil pengelama enam taun dua bulan. Vladimir, Valeriy enggau Sergey deka dijil pengelama enam taun empat bulan magang. Semua sida terus dibai ari kot ngagai rumah jil tekala nya.
Kena 27 Disember 2023, Kot Daerah Amur nginsil pemutus kot ke sebedau tu ti ngumbai Vladimir, Mikhail, Valeriy enggau Sergey besalah. Kes sida dipulaika baru ngagai kot lalu deka dipecharaka baru. Sida dilepaska ari rumah jil seraya sida nganti kes nya dipechara baru, tang sida ditagang ari ninggalka daerah nya.
Kena 25 Oktober 2022, Kot Pelilih Tyndinskiy ba Daerah Amur ngumbai Vladimir, Mikhail, Valeriy, enggau Sergey besalah. Vladimir, Valeriy, enggau Sergey sama diberi ukum jil pengelama enam taun enam bulan. Mikhail diberi ukum jil pengelama enam taun dua bulan. Sida empat iku menyadi Kristian kitai tu terus dibai ari kot ngagai rumah jil.
Garis Timpuh
17 November 2019
Piak bekuasa nyerungkai rumah lapan iti ruang bilik Saksi-Saksi Jehovah ba endur nya, nyengkaum rumah empat iku menyadi tu
18 November 2019
Bala penasat nuduh empat iku menyadi tu ekstremis. Sida disekat bejalai lalu enda dikemendarka pansut ari endur sida
16 Julai 2021
Kes jenayah berengkah dipechara
Profil
Kitai andal Jehovah deka terus “merekatka” empat iku menyadi tu enggau semua nembiak Iya ke tetap ati.—Pemungkal 39:21.
Nuan Engka Rindu Meda Tu
BERITA TI PEMADU BARU
Dijil Ketegal Pengarap Sida—Rusia
Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.