5 OKTOBER 2021
RUSIA

BERITA TI PEMADU BARU | Jaku Peransang ti Bepengerindu Ngeringka Menyadi Vitaliy Omelchenko Napi Penguji

TEBAH

Kena 22 September 2022, Kot Pelilih Murmansk ngumbai Menyadi Vitaliy Omelchenko besalah. Iya didenda mayar 580,000 rubles (kira-kira $9,526 U.S. tauka RM44,600).

Garis Timpuh

29 Januari 2021

Kes jenayah Vitaliy dianjung ngagai kot
20 Januari 2020

Ditan sereta ditasat bala polis. Iya dilepaska pengudah dua hari ditan. Enda diasuh ngena Internet sereta berandau enggau orang bukai ke bisi kaul enggau kes tu
23 Disember 2019

Kes jenayah menyadi Vitaliy berengkah. Piak bekuasa nuduh iya ngereja jenayah laban ngaga utai ke bekaul enggau pengarap Saksi-Saksi Jehovah ba rumah iya

Profil

Vitaliy Omelchenko

Ada: 1979 (Roslyakovo, Begian Murmansk)

Biograpi: Rindu betanda, bemain ski, lunchur ais sereta belagu. Nyadi soldadu pengelama dua taun

Berengkah belajarka Bup Kudus enggau Saksi Jehovah kena taun 2000. Dibaptisa kena taun 2001. Jadi enggau Natalya kena taun 2013. Setaun pengudah nya, bini iya balat sakit lalu diatu iya timpang pendiau

Interbiu

Kati bisi utai ke disebut orang bukai ti meransang sereta nulung nuan tan napi penguji?

Seiku menyadi ke nyadi baka apai ngagai aku, nulis siti surat ke aku ari endur alai iya ditan. Iya madahka: “Suba tua kala berandauka pasal kitai patut berani, tetap ati sereta andalka Jehovah, lalu enda sekali-kali kakang Iya deka nulung kitai. Diatu meh maya iya kitai patut nunjukka iya nengah ulah kitai.”

Nama utai ke nulung nuan tetap ati lebuh orang bejaku bula pasal nuan?

Matthew 5:11 ngingatka aku pasal orang deka “nyebut semua macham utai ti bula ngelaban kita.” Utai tu nulung aku betan lebuh orang nusui utai ti bula pasal aku lebuh dipechara. Aku seruran ngingatka diri empu kitai mensia amat mit enti dibandingka enggau Jehovah.

Nama utai ke deka dikunsi nuan ngagai orang ke deka nyediaka diri ke penguji ila?

Besampi meh ngagai Jehovah ngambika Iya ulih nulung nuan nyadi berani sereta pechayaka Iya taja pan ba utai ti mit. Terus datai ngagai semua gempuru sereta meri komen enggau tetap. Kena meh awak ba pengawa nginjil begulai enggau bala menyadi kitai. Lalu lebuh kitai napi pemerinsa, kitai deka terus berasai semak enggau bala menyadi.

Kitai diperansang enggau chunto Vitaliy ke ngena semua peluang belajarka Bup Kudus sereta bulih pengelantang ari utai nya.—Rome 15:4.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU