5 NOVEMBER 2021
RUSIA

BERITA TI PEMADU BARU | Ketegal Bejarit Nyembah Jehovah, Menyadi Aleksey Yershov Ulih Mutarka Asai Ati ti Asa

TEBAH

Kena 7 April 2022, Kot Pelilih Tomsk ngubah ukum ke udah diberi ngagai Menyadi Aleksey Yershov. Diatu, iya diberi ukum jil pengelama tiga taun ti ditangguh. Iya lalu terus dibibaska ari jil.

Kena 19 Januari 2022, Kot Nengeri Severskiy ba Begian Tomsk ngumbai Menyadi Aleksey Yershov besalah lalu meri iya ukum jil pengelama tiga taun. Iya lalu terus dijil tekala nya.

Garis Timpuh

22 Jun 2021

Kes jenayah dianjung ngagai Kot Nengeri Severskiy ba Begian Tomsk
30 Mac 2021

Aleksey dituduh ngereja jenayah ketegal bisi video ke dirikut ari orang ke bepura-pura bisi minat belajarka Bup Kudus pengelama lebih ari setaun
14 Julai 2020

FSB enggau bala ejen ke bukai nyerungkai rumah Aleksey pengelama tujuh jam. Sida ngerampas kad bank, perengka elektronik, Bup Kudus, pasport enggau perengka Wi-Fi

Profil

Aleksey Yershov

Ada: 1953 Seversk (Begian Tomsk)

Biograpi: Apai iya nadai ba taun ti sama iya ada. Dibesaika indai iya. Gawa nyadi injinir sereta ngajar ba sekula vokasional

Jadi enggau Lyudmila ba taun 1976. Sida bisi dua iku anak ke udah besai

Aleksey deka belajarka Bup Kudus pengudah seiku ari murid iya mai iya datai ke gempuru Saksi-Saksi Jehovah. Alit ati enggau utai ke disemaya ba Perintah Petara sereta jaku lalau ti ngena. Dibaptisa nyadi seiku ari Saksi-Saksi Jehovah kena taun 1994

Interbiu

Nama udah nulung kaul nuan enggau Jehovah majak rapat maya penanggul tu?

Aku enggau bini aku bejarit agi besampi. Aku sedar aku enda ulih betan napi situasi tu enti nadai tulung ari Jehovah. Nya kebuah aku terus nyemakka diri ngagai Jehovah enggau macha sereta belajarka Bup Kudus ninting hari. Tiap pagi aku enggau bini aku berandauka ayat ninting hari sereta besampi begulai ngagai Jehovah.

Baka ni nuan mutarka asai ati ti asa?

Belajarka Bup Kudus kediri empu nulung aku lebuh aku asa ati. Aku belematika teladan nembiak Bup Kudus ke tetap ati. Bisi mayuh cherita ke ditulis dalam Bup Kudus nunjukka, mengkang tenang sereta arapka Jehovah nya amat beguna. Lebuh belematika cherita tu, aku nguji faham nama utai ke udah nulung nembiak Petara mengkang tenang. Surat Kereja Rasul 5:29 madahka: ‘Kami enda tau enda ngasika Petara, ukai ngasika mensia.’ Lebuh raban Kunsil ngasuh bala rasul ngetu nginjil, bala rasul enda panik. Taja pan sida disipat, sida enda nyadi takut. Bala rasul nemu Jehovah bisi enggau sida, lalu Iya gaga ati enggau sida.

Macha Bup Kudus ninting hari sereta besampi deka terus ngeringka sereta meransang bala menyadi ba Rusia. Masmur 9:9 ngasuh kitai andal, ‘Jehovah nyadi kuta alai orang ngenduh lebuh sida kena perinsa, nyadi kuta alai sida diau lebuh maya tusah.’

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU