26 JULAI 2021
RUSIA

BERITA TI PEMADU BARU | “Ketegal Pemerinsa Tu Aku Ngasai Semak Agi ngagai Jehovah”

TEBAH

Kena 20 April 2022, Kot Pelilih Krasnodar nulak apil ari Menyadi Vladimir Skachidub. Iya mengkang ba rumah jil.

Garis Timpuh

Kena 11 Oktober 2021, Kot Pelilih Pavlovskiy ba Begian Krasnodar ngumbai Vladimir besalah lalu meri iya ukum jil pengelama empat taun dua bulan
30 Disember 2020

Kes pechara berengkah
23 Julai 2020

Nama iya diayan ba lis orang ke ngereja pengawa ekstremis
23 Jun 2020

Iya dituduh ngereja pengawa jenayah. Salah siti nya ketegal pengawa nginjil

Profil

Vladimir Skachidub

Ada: 1961 (Pavlovskaya, Begian Krasnodar)

Biograpi: Pengudah iya tembu pengawa soldadu, iya belajar ba bidang injinir radio ba sekula di Taganrog, Begian Rostov. Iya lenyau apai indai iya lebuh iya beumur 25 taun. Maya nya iya pulai ke kampung kena nyaga menyadi iya Nataliya ke beumur 15 taun. Nataliya nadai kena 2003 ketegal kanser darah. Suba, sebedau Vladimir pinchin, iya gawa ba kilang perengka kerita. Iya rindu ngambi gambar sereta nebah gita

Iya bisi minat pasal Bup Kudus lebuh Nataliya enggau kaban iya Galina betemu enggau Saksi-Saksi Jehovah. Iya alit ati enggau penerang pasal utai ke ditempa. Nyau kelama iya berengkah belajarka Bup Kudus. Iya ngetu nginsap sereta muai tebiat ti enda manah ke udu ngirup. Iya jadi enggau Galina kena taun 1997. Iya dibaptisa kena taun 1998 sereta Galina kena taun 2016

Interbiu

Nama utai ke dipinta nuan ari Jehovah lebuh nuan besampi?

Aku besampi minta roh kudus, iring enggau kuasa besai. Lebuh aku keterubah iya ditasat aku besampi ngambika nguduska nama Jehovah seraya aku bejaku enggau penasat. Kali ti penudi lebuh aku ditasat, iya muji aku ketegal ulah aku ti manah.

Nama utai ke dipelajarka nuan lebuh napi penguji tu, ngambika nuan ulih besedia napi penguji ti deka datai?

Ketegal pemerinsa tu, aku ngasai semak agi ngagai Jehovah. Tu pan ngajar aku ngambika enda lemi semengat lebuh napi penusah, tang arapka Jehovah enggau pengabis ati.

Baka Vladimir, kitai mega amat andal Jehovah deka terus nyukung iya “awakka [iya] sedia tan natka semua pemerinsa enggau ati ti liat . . . enggau ati ti gaga.”—Kolosi 1:11.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU