23 DISEMBER 2021 | DIADUKA BARU: 29 OGOS 2023
RUSIA

BERITA TI PEMADU BARU—LAKI BINI DIKUMBAI BESALAH | Utai ke Disediaka Jehovah ngagai Sida Postnikov Sebilik Mai Pengelantang

TEBAH

Kena 23 Ogos 2023, Kot Daerah Birobidzhanskiy ba Jewish Autonomous Region ngumbai Menyadi Oleg Postnikov enggau Agnessa Postnikova besalah. Oleg diberi ukum jil pengelama lima taun enam bulan ti ditangguh, lalu Agnessa diberi ukum jil pengelama empat taun enam bulan ti ditangguh. Seduai iya enda ibuh dijil ke diatu.

Kena 11 Oktober 2022, Kot Jewish Autonomous Region nginsil pemutus ke sebedau nya ti udah ngumbai Menyadi Oleg Postnikov enggau Agnessa Postnikova besalah. Kes seduai iya deka dipechara baru.

Kena 25 April 2022, Kot Pelilih Birobidzhanskiy ba Jewish Autonomous Region ngumbai Oleg enggau Agnessa besalah. Oleg diberi ukum jil pengelama lima taun setengah ti ditangguh, lalu Agnessa diberi ukum jil pengelama lima taun ti ditangguh. Seduai iya enda nyadi dijil ke diatu.

Garis Timpuh

12 Februari 2021

FSB ngepunka kes jenayah ngelaban Agnessa. Seduai iya dituduh numbuhka seraban “penjenayah” sereta madahka pengawa “ekstremis” sida ngagai orang bukai. Sida enda diasuh pansut menua nya, enda ulih ngambi duit ba bank, sereta nama sida ditepuka ba lis orang ke ngereja pengawa ekstremis
12 Februari 2020

FSB ngepunka kes jenayah ngelaban Oleg

Profil

Oleg Postnikov

Ada: 1965 (Vyazemsky, Begian Khabarovsk)

Biograpi: Kala gawa nyadi tukang paip. Enggau raban gangster lebuh iya agi biak. Kala dijil ketegal pengawa jenayah. Berengkah belajarka Bup Kudus lebuh ba rumah jil. Pengudah dibibaska, iya dibaptisa nyadi seiku ari Saksi-Saksi Jehovah kena taun 1986

Jadi enggau Agnessa kena taun 1989. Sida iya bisi dua iku anak ti udah besai

Interbiu

Baka ni nuan ngelala pemendar lebuh ba rumah jil?

Bisi seiku Saksi dijil ketegal enggai nyadi soldadu. . . . Kami berandau lama pasal bukti Petara nya bisi, sereta teori evolusi ti enda logik. Kami mega berandauka pasal pemanah utai ke ditempa ba dunya raya. Randau nya ngubah runding aku. . . . Pengudah nya aku macha litaricha ari Saksi-Saksi Jehovah. . . . Pengudah aku dibibaska aku terus belajarka Bup Kudus sereta dibaptisa.

Nama utai ke dipelajarka nuan pasal andalka Jehovah?

Aku berengkah suah agi besampi, kelebih agi lebuh betemu enggau penasat. Lebuh aku betemu enggau iya, tu ngasuh aku nemu aku enda ulih nyeliahka diri ari ditipu penasat nya lalu mengkang tetap ati ngagai Petara enti aku bepanggai ba penemu sereta pengering diri empu. Aku sedar, enti aku deka berasai tenang sereta kempang ati, aku patut andalka Jehovah enggau pengabis ati sereta enda kelalu irauka sebarang utai ke deka nyadi.

Nama ayat Bup Kudus ke udah meransang nuan?

Aku seruran teingatka jaku ba Josua 1:9: ‘Jehovah Petara nuan bisi enggau nuan di sebarang endur nuan bejalai.’ Tu ngingatka aku, aku engka patut ngagai endur ke dikenggaika aku. Taja pia, Jehovah baka madahka aku: ‘Aku deka enggau nuan kin, anang irau. Baka Aku ke udah bejalai enggau [orang bepengarap baka] Josep, Aku mega deka bejalai enggau nuan.’ Tu nulung aku enda irauka pasal utai ke deka nyadi pagila sereta nyeliahka runding ke ngasuh aku berasai asa.

Agnessa Postnikova

Ada: 1963 (Kazakhstan)

Biograpi: Anak kelima ari tujuh iku menyadi. Lebuh agi biak rindu betanda sereta belakun ba teater. Iya mega rindu bemain ski enggau lunchur ais. Diatu iya rindu diau ba luar bandar, bekebun, sereta hiking. Gawa ba kedai jait

Dibaptisa kena taun 1979. Jadi enggau Oleg kena taun 1989

Interbiu

Baka ni nuan nerima sukung lebuh maya ti tusah tu?

Aku deka madahka terima kasih ngagai Raban ti Ngiring laban nyediaka utai ke diguna ba pengarap ba maya ti ngena. Aku mega deka beterima kasihka ngagai bala menyadi ke bisi ba pengawa nyediaka lagu, filem, video, konvensyen sereta salin Bup Kudus ke baru. Aku beterima kasih ngagai Jehovah laban Iya meri aku ruang bilik ti bepengerindu tu ke ngeringka aku ba maya ti tusah.

Ni bagi utai ke disediaka Jehovah ke udah mayuh nulung nuan?

Utai ke nulung aku nya besampi ngagai Jehovah sereta belematika lagu baka, ‘Dunya Baru ti Deka Datai’ enggau ‘Dunya Baru Endang Amat Deka Datai.’ Lagu tu mandangka pasal gaya dunya baru. Tu nulung aku berasai tenang sereta ngasaika pengerindu Apai ti di serega ke aku.

Peneleba tu nunjukka Jehovah nyikap nembiak Iya ngambika ulih mujur napi sebarang penanggul. Arapka kitai terus bepanggai ba “pengerindu enggau penetap ati” Jehovah.—Masmur 115:1.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU