2 NOVEMBER 2021
RUSIA

BERITA TI PEMADU BARU | Lima Iku Menyadi ba Sakhalin Bepanggai ba Tulung ari Jehovah Lebuh Dipechara

TEBAH

Kena 11 Mei 2022, Kot Pelilih Sakhalin nulak apil ari Menyadi Vyacheslav Ivanov, Aleksandr Kozlitin, Sergey Kulakov, Tatyana Kulakova, enggau Yevgeniy Yelin. Sida enda ibuh dijil ke diatu.

Kena 31 Januari 2022, Kot Nengeri Nevelskiy ba Daerah Sakhalin ngumbai Vyachesla, Aleksandr, Sergey, Tatyana, enggau Yevgeni besalah. Sergey seduai Yevgeniy diberi ukum jil pengelama enam taun enam bulan ti ditangguh. Vyacheslav, Aleksandr, enggau Tatyana diberi ukum jil pengelama dua taun ti ditangguh.

Garis Timpuh

Julai 2020

Vyacheslav, Aleksandr, Sergey, enggau Tatyana disekat bejalai
2 April 2020

Yevgeniy disekat bejalai
20 Januari 2019

Pegawai polis Federal Security Service (FSB) nyerungkai abis nadai 11 buah rumah orang ke dikumbai sida Saksi-Saksi Jehovah. Pegawai polis kasar sereta nasat sida ke baruh umur. Utai tu nyadi sepengudah Presiden Rusia Vladimir Putin madahka diri deka nasat kebuah sida Saksi-Saksi Jehovah disakal

Profil

Sergey Kulakov

Ada: 1961 (Nevelsk, Begian Sakhalin)

Biograpi: Lebuh iya beumur 14 taun iya tama sekula asrama. Lebuh agi mit, rindu main bul enggau chess. Tembu ba sekula vokasional sereta nerima latih ngaduka kapal. Diatu udah pinchin

Kena taun 2000-an, iya enggau bini iya Tatyana berengkah belajarka Bup Kudus. Pengerindu Saksi-Saksi Jehovah negu ati iya, lalu iya dibaptisa kena taun 2008. Seduai iya bisi dua iku anak lelaki

Interbiu

Enggau tulung ari Jehovah, nama penguji ke ditapi nuan?

Utai ke pemadu tusah iya nya mengkang tenang sereta gaga ati. Ketegal aku mengkang kisuk ba pengawa Jehovah, aku andal agi Jehovah “tetap ati ngagai orang ke tetap ati” ngagai Iya. (2 Samuel 22:26) Pengerindu enggau pengarap aku ngagai Jehovah majak nambah. Utai tu mega nulung aku enda kelalu irau nama utai ke deka nyadi laban Iya deka nyaga aku enda ngira nama utai nyadi.

Tatyana Kulakova

Ada: 1973 (Nevelsk, Begian Sakhalin)

Biograpi: Lebuh agi biak rindu macha, ngelukis sereta ninga musik. Gawa nyadi tukang plaster enggau ngechat. Jadi enggau Sergey kena taun 1996 lalu seduai iya bisi dua iku anak lelaki

Ngumbai Bup Kudus nya berega pengudah iya belajar pasal tuju bumi ditempa sereta pendiau orang ke udah mati. Dibaptisa nyadi seiku ari Saksi-Saksi Jehovah kena taun 2003

Interbiu

Nama ayat Bup Kudus ke nulung nuan mengkang berani tauka mengkang gaga ati lebuh diperinsa?

Lebuh rumah aku diserungkai lalu aku dituduh ngereja jenayah sereta ngagai FSB, jaku Elisa ngagai ulun iya ngeringka aku: “Bala kitai mayuh agi ari bala sida.” Aku ulih ngambarka Petara ti Pemadu Bekuasa, Jehovah, pia mega Jesus enggau bala melikat, bisi ngimbai ba tisi aku. Sukung ti amat besai tu nulung aku ngereja utai ke patut dikereja aku sereta enda kelalu irau.

Yevgeniy Yelin

Ada: 1974 (Yuzhno-Sakhalinsk, Begian Sakhalin)

Biograpi: Rindu ngelukis kenyau ari biak. Gawa ngaga pelan rumah. Bisi bisnis nyeruri rumah. Iya pan ngaga perengka rumah

Berengkah belajarka Bup Kudus lebuh sekula menengah. Ba urung taun 1990 iya betemu enggau Saksi-Saksi Jehovah sereta bebasaka chara sida ngena Bup Kudus berari. Dibaptisa kena taun 1992. Jadi enggau bini iya Anastasia kena taun 2017

Interbiu

Nama utai ke deka dikunsi nuan ngagai orang ke deka nyediaka diri ke penguji ila?

Aku deka meransang orang bukai ngisi runding enggau ati sida ngena pemendar ba Bup Kudus. Pia mega nitihka atur ari gerempung amat beguna. Kitai enda sabar nganti jaku benabi pasal dunya baru deka dikeamatka. Tang jaku benabi pasal pemerinsa deka nyadi dulu. Enti kitai diperinsa kitai bisi ungkup ba jaku benabi ke benung dikeamatka nya. Nya peluang ti spesial!

Kitai nemu Jehovah deka terus nyaga bala menyadi kitai ke setuju enggau jaku nabi Isaiah: ‘Petara endang Juruselamat aku; Aku deka manggaika pengarap aku ba Iya lalu enda takut.’—Isaiah 12:2.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU