Kena 27 Jun 2022, Kot Pelilih Porkhovskiy ba Daerah Pskov ngumbai Menyadi Aleksey Khabarov enda besalah. Semua tuduh ngelaban iya ditutup magang.

1. Kena 26 November 2021, Kot Menua Pskov mendingka kes apil Menyadi Aleksey Khabarov. Kes iya dipulaika baru ngagai kot asal ke bepecharaka iya, tang kali tu iya deka dipechara akim bukai. Ke diatu iya enda ibuh dijil

2. 7 September 2021

   Kot Pelilih Porkhovskiy ba Begian Pskov madahka Menyadi Aleksey Khabarov dikumbai besalah lalu iya diberi ukum jil pengelama tiga taun ke udah ditangguh

3. 29 Oktober 2020

   Kes jenayah Aleksey berengkah

4. 28 Ogos 2020

   Tuduh iya diterang enggau nyemetak agi, iya nya “bisi begian ba gempuru pengarap” alai orang ke ‘bejaku pasal pengarap, macha Bup Kudus, berandauka utai ke bekaul enggau ayat Bup Kudus sereta belaguka lagu pengarap’

5. 7 Februari 2020

   Iya ditasat kena kali kedua. Lebuh ditasat iya baru nemu talipun iya dirikut sereta didinga piak bekuasa ba taun 2018

6. 31 Januari 2020

   Aleksey dituduh ngereja jenayah

7. 24 Mei 2019

   Aleksey nulis ngagai piak ke nyaga hak mensia ba Begian Pskov. Aleksey nerangka iya ukai penjenayah tang orang ke bepengarap ti lurus. Piak nya besetuju enggau hak Aleksey kena pechayaka sereta bejalaika pengawa sembah iya

8. 3 April 2019

   Rumah Aleksey diserungkai, sekeda barang iya dirampas sereta iya ditasat

Kitai enggau pengabis ati besetuju enggau Aleksey pasal Jehovah seruran nulung nembiak iya ke tetap ati nyadi “kering sereta berani.”—Masmur 27:14.