Kena 6 Jun 2023, Kot Nengeri Partizansk ba Begian Primorye ngumbai Menyadi Irina Buglak besalah lalu meri iya ukum jil pengelama dua taun enam bulan ti ditangguh. Iya enda ibuh dijil ke diatu.

1. 6 Ogos 2021

   Kes jenayah Irina dibai baru ngagai Kot Nengeri Partizansk ngambika ulih dipechara

2. 30 November 2020

   Ketegal enda chukup bukti, kes Irina dipulaika ngagai opis penawa

3. 31 Januari 2020

   Pengudah 107 hari, iya bibas ari ditan ba rumah diri

4. 16 Oktober 2019

   Pengudah dijil pengelama 179 hari, Irina dilepaska ari rumah jil sementara lalu ditan ba rumah diri

5. 20 April 2019

   Kena pukul 3 pagi, bala pegawai FSB nyerungkai rumah Irina. Iya dituduh ngatur sereta ngiring gempuru Kristian. Iya dibai ngagai rumah jil sementara alai iya nganti kes iya dipechara, tang timpuh iya dijil dipanjaika tiga kali

6. 19 April 2019

   Lapan iku pegawai FSB nyerebu apartment seiku menyadi indu ke beumur 80 taun ke benama Nelly Tarasyuk. Lebuh maya nya, Irina enggau anak indu iya Natalya bisi dia, sama enggau beberapa iku menyadi indu ke bukai. Lebuh rumah iya benung diserungkai, Nelly nyadi sakit lalu dibai ngagai sepital. Bala indu ke bukai ke bisi dia lalu ditangkap sereta ditasat sepemanjai malam nya. Irina lalu ditan

Kitai besampi ngambika Jehovah terus ngeringka Irina enggau semua bala menyadi ke dikesayau ba Rusia, ngambika sida ulih terus betan enggau ati ti liat sereta gaga.—Kolosi 1:11.