21 DISEMBER 2021 | DIADUKA BARU: 24 JANUARI 2024
RUSIA
BERITA TI PEMADU BARU—MENYADI KITAI DIKUMBAI BESALAH | Menyadi Yelena Menchikova Dikeringka ari Sampi ngagai Jehovah sereta Belematika Teladan ti Manah
Kena 23 Januari 2024, Kot Nengeri Cherkessk ba Republik Karachayevo-Circassian ngumbai Menyadi Yelena Menchikova besalah lalu meri iya ukum jil pengelama empat taun enam bulan ti ditangguh. Iya enda ibuh dijil ke diatu.
Kena 5 Disember 2022, Kot Fifth General Jurisdiction Court of Cassation muai pemutus kot ke sebedau tu ti ngumbai Menyadi Yelena besalah. Kes iya deka dipecharaka baru.
Garis Timpuh
15 Disember 2021
Kot Nengeri Cherkessk ba Republik Karachayevo-Circassian ngumbai Menyadi Yelena Menchikova besalah lalu meri iya ukum jil pengelama lima taun ti ditangguh
9 Jun 2021
Kes jenayah berengkah dipechara
9 Mac 2021
Kes jenayah kedua dibuka. Yelena dituduh “ngaga pelan jenayah” kena mai orang bukai ba pengawa ekstremis
10 Februari 2021
Yelena ngena Bup Kudus kena nerangka kebuah kes iya patut ditutup. Tang ari ke nerima peminta iya, sida madahka lebuh Yelena ngena Bup Kudus, tu nunjukka iya endang ngereja “jenayah”
13 November 2020
Kes jenayah dibuka laban Yelena belagu sereta besampi ngagai Jehovah
12 November 2020
Piak bekuasa nyerungkai rumah Yelena kena kali kedua
16 Disember 2019
Bala FSB di Cherkessk nyerungkai sepuluh buah rumah Saksi-Saksi Jehovah nyengkaum Yelena
Profil
Kitai besampi ngambika Jehovah terus ngelantangka sereta ngeringka Yelena enggau bala nembiak Iya ti tetap ati ke napi penguji.—Masmur 119:49, 50.
Nuan Engka Rindu Meda Tu
BERITA TI PEMADU BARU
Dijil Ketegal Pengarap Sida—Rusia
Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.