5 OGOS 2021
RUSIA

BERITA TI PEMADU BARU | Menyadi Dmitriy Terebilov Engka Dijil Kena Kali Kelima, Tang Kali Tu Ketegal Pengarap Iya

TEBAH

Kena 22 September 2022, Kot Second General Jurisdiction of Cassation nulak kes apil ti kedua ari Menyadi Dmitriy Terebilov. Iya terus dijil.

Kena 12 Januari 2022, Kot Pelilih Kostroma nulak apil ari Menyadi Dmitriy Terebilov.

Garis Timpuh

6 September 2021

Kot Pelilih Sverdlovskiy ba nengeri Kostroma meri Dmitriy ukum jil pengelama tiga taun. Sepengudah pemutus nya digaga, iya lalu terus dibai ngagai rumah jil
8 September 2020

Kes pechara Dmitriy berengkah
25 Mei 2020

Dmitriy dituduh ngereja pengawa jenayah sereta pejalai iya ngagai endur bukai disekat
19 September 2019

Dmitriy ditagang ngambi duit ba bank iya
13 Jun 2019

Dmitriy berengkah dipansik piak bekuasa ketegal iya nyadung litaricha ke ditagang sereta datai gempuru gerempung ke ditagang
25 Julai 2018

Lebuh Dmitriy enggau bini iya pulai ari konvensyen di Moldova, rumah seduai iya diserungkai. Seduai iya ditangkap sereta ditasat piak bekuasa sepengudah pulai ke rumah

Profil

Dmitriy Terebilov

Ada: 1980 (Kostroma)

Biograpi: Indai iya nadai lebuh iya agi biak. Lebuh iya agi mit iya rindu begusti sereta bemain boksing. Iya dijil empat kali ketegal ngelanggar undang-undang pasal dadah

Kena 2010 iya belajarka Bup Kudus nengah surat ba jil. Iya dilepaska ba taun 2013. Iya dibaptisa kena taun 2014. Iya jadi enggau bini iya Irina ba taun 2015. Seduai iya rindu begulai joging, hiking sereta bemain basikal

Interbiu

Baka ni nuan berengkah ngelala Saksi-Saksi Jehovah?

Aku berengkah ngelala Saksi-Saksi Jehovah lebuh dijil ketegal dadah ba kali keempat. Ba Ogos 2010 aku nerima surat ti keterubah ari menyadi di Udmurtia. Sepemanjai aku ba jil, iya meransang aku, nulis surat ke aku, sereta nganjung ke aku litaricha. Kami agi bekaban rapat nyentukka diatu.

Kena 21 Jun 2013, Aku dibibaska ari ukum jil. Aku mindah ngagai Kostroma lalu betemu enggau Saksi-Saksi Jehovah ba dia.

Nama utai ke nulung nuan mengkang gaga ati sereta enda kelalu irau?

Ba taun 2018 kami datai ngagai konvensyen ke betajuk “Mengkang Berani!” Lebuh kami pulai, kami terus ngereja utai ke dipelajarka kami ba konvensyen nya. . . . Aku agi ingat lebuh kami bejalai kaki pulai ke rumah [pengudah ditasat lebuh kali kedua rumah kami diserungkai.] Pengudah kami datai, kami meda mayuh bala menyadi datai enggau jampat sepengudah sida ninga rumah kami diserungkai. Tu nyadika bukti Jehovah semak enggau kami.

Kali tu nuan engka dijil ketegal pengarap nuan. Kati asai ati nuan?

Lebuh aku meda baka ni chara Jehovah nulung aku ngelama tu, sereta baka ni Iya nyukung bala menyadi ke dijil ketegal pengarap sida, aku nadai kakang mimit ke Jehovah deka nyukung aku enggau diri sebilik. Lebuh aku pansut ari jil suba aku keran deka nyadi seiku ari Saksi-Saksi Jehovah. Nadai utai ke ulih ngubah pengeran nya.

Dmitriy ngasaika pengaga ati laban “dikeleseka orang ketegal nama Kristus.” Kitai andalka ‘roh mulia, enggau roh Petara bisi enggau’ iya.—1 Peter 4:14.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU