Kena 3 Februari 2022, Kot Pelilih Ussuriyskiy ba Daerah Primorye ngumbai Sergey besalah. Iya diberi ukum jil pengelama tiga taun ti ditangguh.

Sergey Melnikov

• Ada: 1973 (Terney, Begian Primorye)

• Biograpi: Iya kala gawa nyadi tukang kayu, bomba, orang berikan sereta tukang tuchi. Lebuh agi nembiak, iya rindu main hoki sereta volleyball. Kira-kira taun 2000 iya berengkah belajarka Bup Kudus enggau Saksi-Saksi Jehovah. Kena taun 2003 iya pindah ngagai Ussuriysk lalu dibaptisa

Piak ti bekuasa ngepunka kes jenayah ngelaban Menyadi Sergey Melnikov kena Jun 2019. Lebuh Sergey benung berandauka Bup Kudus enggau seiku orang ke bisi minat ngagai Bup Kudus, pegawai piak ti bekuasa datai lalu nangkap iya. Rumah iya diserungkai, lalu laptop enggau talipun binching iya dirampas.

Sergey dijil pengelama empat bulan lalu udah nya ditan ba rumah diri empu pengelama 145 hari. Bisi maya Sergey ngasaika diri nadai pengering kena terus betan natka penguji tu. Ba maya ti tusah nya, iya ngenang baru ayat 1 Korint 10:13 lalu tekala nya iya berasai nyamai agi. Ku iya: “Tu nulung aku ingat baru, enti Jehovah nejuka penguji tu nyadi, reti iya aku ulih betan natka nya. Jehovah meri aku ‘kuasa ti besai.’”—2 Korint 4:7.

Kena 25 Februari 2020, Sergey dibibaska ari ditan ba rumah diri, tang iya agi ditagang ari bejalai ke endur bukai.

Seraya kitai nganti kot ngaga pemutus pasal kes iya, kitai tetap andalka Jehovah deka “nulung sereta nyaga” Sergey, sereta tiap iku menyadi Kristian kitai ba Rusia.—Masmur 115:11.