1. Kena 7 Oktober 2021, Kot Begian Krasnodar nulak apil ari Menyadi Meleshko. Ukum asal ke diberi ngagai iya udah ditetapka

2. 11 Ogos 2021

   Kot Pelilih Abinskiy, Begian Krasnodar, ngumbai Menyadi Vasiliy Meleshko besalah lalu ngejil iya pengelama tiga taun pengudah dua hari dipechara. Iya terus ditaban ngagai rumah jil pengudah dipechara. Iya Saksi Jehovah keempat ke dipechara enggau jampat lalu dikumbai besalah ba kot tu a

3. 10 Ogos 2021

   Kes Vasiliy berengkah dipechara. Lebuh ditanya hakim, Vasiliy enggau berani madahka diri Saksi Jehovah ke aktif

4. 24 Jun 2021

   Randau entara Vasiliy enggau Menyadi Aleksandr Ivshin ditepu ba lis pengawa jenayah iya. Piak bedawa madah utai ke dikerandau sida nya pasal pengarap sereta “sembah ngagai Petara Jehovah”

5. 12 April 2021

   Vasiliy dituduh besalah enggau pengawa jenayah “meri sereta ninga cheramah bepelasarka litaricha Kristian” sereta “berandau pasal bup pengarap enggau seraban orang” enggau pengawa bukai

6. 7 April 2021

   Ba pukul 6:30 pagi, tiga iku pegawai polis ke besenyata enggau empat iku tuai sida sereta dua iku agen nyerungkai rumah Vasiliy enggau Zoya Meleshko. Udah nya, Vasiliy ditaban kena ditasat. Sida ngambi gambar iya ba depan rumah iya sereta bengunan alai bala menyadi begempuru suba. Sida ngena gambar nya nyadika bukti Vasiliy “ngereja jenayah.” Vasiliy enda dikemendarka ninggalka endur nya

Lebuh bala menyadi Kristian kitai ba Rusia enda ngetu diperinsa, tu “berita ti enda manah.” Tang, kitai andal Vasiliy enggau diri sebilik iya ulih mengkang tegap sereta kering, ketegal ‘manggaika pengarap [sida] ba Jehovah.’—Masmur 112:7, 8.