7 JANUARI 2022
RUSIA
BERITA TI PEMADU BARU | Menyadi Vladimir Chesnokov, Vladimir Dutkin, enggau Valeriy Yakovlev Dipechara ketegal Pengarap Sida
Kena 13 April 2022, Kot Besai Republik Chuvash nulak apil ari Menyadi Vladimir Chesnokov, Vladimir Dutkin enggau Valeriy Yakovlev. Diatu sida diasuh mayar denda nya.
Kena 10 Februari 2022, Kot Pelilih Kalininskiy ba Cheboksary ngumbai Vladimir Chesnokov, Vladimir Dutkin, enggau Valeriy Yakovlev besalah. Menyadi Dutkin didenda mayar 500,000 rubles (kira-kira $6,715 U.S. tauka RM28,144), lalu Menyadi Chesnokov enggau Menyadi Yakovlev didenda mayar 400,000 rubles (kira-kira $5,372 U.S. tauka RM22,515). Sida enda dijil.
Garis Timpuh
7 Jun 2021
Vladimir Chesnokov enggau Valeriy Yakovlev ditambah ngagai kes jenayah tu
30 Disember 2020
Vladimir Dutkin dituduh ngereja jenayah sereta disekat bejalai
25 November 2020
Kes jenayah Vladimir Dutkin dibuka lalu udah nya rumah iya diserungkai. Iya dibai kena ditasat
Profil
Macha sereta belematika Jaku Petara nulung bala menyadi kitai napi penguji sida tiap hari, lalu ngasaika Jehovah “ngelindung [sida] lebuh maya tusah.”—Masmur 27:5.
Nuan Engka Rindu Meda Tu
BERITA TI PEMADU BARU
Dijil Ketegal Pengarap Sida—Rusia
Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.