4 JANUARI 2022
RUSIA

BERITA TI PEMADU BARU | Pengadang enggau Nyediaka Diri Udah Nulung Menyadi Pyotr Krupnov enggau Bini Iya, Maya

TEBAH

Kena 9 Mac 2022, Kot Daerah Penza nulak apil ari Menyadi Pyotr Krupnov enggau bini iya, Maya. Seduai iya enda dijil ke diatu.

Garis Timpuh

30 Disember 2021

Kot Pelilih Nikolskiy ba Daerah Penza ngumbai Pyotr enggau bini iya, Maya, besalah lalu meri ukum jil pengelama tiga taun ti ditangguh
25 Oktober 2021

Kes jenayah berengkah dipechara
12 Oktober 2021

Nama Pyotr enggau Maya ditambah dalam lis orang ekstremis ketegal berandau pasal litaricha Kristian enggau kaban sida
15 September 2021

Kes jenayah Maya dibuka. Pyotr mega ditepu dalam kes nya
11 Oktober 2020

Bala polis nyerungkai rumah empat iti ruang bilik Saksi-Saksi Jehovah ba Nikolsk, nyengkaum rumah Pyotr enggau Maya

Profil

Pyotr Krupnov

Ada: 1963

Biograpi: Gawa nyadi seiku tukang paip. Berengkah belajarka Bup Kudus enggau Saksi-Saksi Jehovah ba taun 1996. Pengudah macha litaricha kitai sereta beratika ulah pengajar Bup Kudus iya, iya pechaya udah tetemuka pemendar. Dibaptisa ba taun 2002

Betemu enggau Maya ba siti gempuru Kristian. Jadi ba taun 2008

Interbiu

Kati nuan ulih ngenang baru maya nuan ngasaika Jehovah udah nulung nuan?

Aku [ngenang baru, bisi sekali] aku besampi minta roh kudus lalu teingatka jaku ba John 10:28, ku iya: ‘Nadai orang ulih ngerampas sida ari jari aku.’ Belematika pasal ayat tu ngasuh aku berasai kering sereta lantang ati. Aku ngasaika Apai aku ngimbai aku. Asil iya, aku berasai tenang sereta kempang ati.

Nama utai nulung nuan betan?

Aku nguji ingatka, enda ngira ni pemesai penanggul kitai, nya enda ulih dibanding enggau [peluang ulih] nyembah Jehovah sereta ngembuan pengidup ti meruan belama iya ba dunya Paradais. Pengerindu aku ke Petara enggau orang bukai meri aku pengering ke diguna aku kena betan napi penusah.

Maya Krupnova

Ada: 1957 (Atasu, Kazakhstan)

Biograpi: Gawa ngaga kue. Diatu pinchin sereta rindu bekebun

Keterubah belajar pasal Saksi-Saksi Jehovah ari anak indu iya. Seduai iya dibaptisa ba taun 2001

Interbiu

Baka ni nuan nyediaka diri napi penguji tu?

Aku berengkah nyediaka diri lebuh bala menyadi kitai berengkah ditangkap [ba siti endur ke semak enggau aku]. Aku macha bup Ester enggau Jeremiah. . . . Aku beratika riput ba laman web kitai, sereta belajar ngafal lagu kitai. Aku nyediaka “beg kecemasan” sereta siti da agi beg ke ulih dibai aku ngagai jil. . . . Aku besampi ke penemu-dalam sereta pemerani ke diguna aku ngambika mengkang tenang sereta andal enti sema aku diperinsa.

Baka ni bala menyadi Kristian udah nyukung nuan?

Semua orang seruran meri aku mayuh peransang, kelebih agi lebuh aku amat begunaka nya. Bisi sekali lebuh aku berasai amat lelak ba emosi, bala menyadi betalipun sereta nulis surat madahka sida rinduka aku. . . . Aku seruran nemu aku bisi ruang bilik ti besai ke penuh enggau pengerindu. Tang kelebih agi kenyau ari taun 2020 aku ulih ngasaika nya.

Kitai tentu diperansang ari teladan Pyotr enggau Maya ke bepegai teguh ba pengadang sida sereta bepanggai ba Jehovah.—Hebrew 6:19.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU