31 JANUARI 2022 | DIADUKA BARU: 27 MAC 2023
RUSIA

BERITA TI PEMADU BARU—UKUM DIKURANGKA | Menyadi Lyudmila Salikova Bulih Pengering enggau Pengelantang ari Jehovah

TEBAH

Kena 23 Mac 2023, Kot Pelilih Chelyabinsk madahka pemutus ba kes apil ti kedua ari Menyadi Lyudmila Salikova. Iya kala diberi ukum jil pengelama enam taun ti ditangguh, tang nya udah diubah nyadi ukum jil pengelama dua taun setengah ti ditangguh. Ke diatu iya enda nyadi dijil.

Kena 17 Mac 2022, Kot Pelilih Chelyabinsk nulak apil ari Menyadi Lyudmila Salikova.

Kena 20 Januari 2022, Lyudmila udah dikumbai besalah ba Kot Nengeri Snezhinsk di Daerah Chelyabinsk lalu iya diberi ukum jil pengelama enam taun, tang ukum nya ditangguh.

Garis Timpuh

November 2020

Pegawai polis ba Snezhinsk nyerungkai rumah empat iti ruang bilik Saksi-Saksi Jehovah, nyengkaum rumah Lyudmila. Bala pegawai nya mega nyerungkai endur iya gawa. Pengudah nya, iya dipejal badu gawa
26 Ogos 2021

Kes Lyudmila berengkah ditasat ketegal iya ngatur pengawa pengarap enggau mai litaricha ke ditagang
8 Disember 2021

Kes iya berengkah dipechara

Profil

Lyudmila Salikova

Ada: 1951 (Sysert)

Biograpi: Kawin ba taun 1971. Ngemesaika tiga iku anak lelaki. Laki iya mati ba taun 2009. Gawa nyadi injinir ba Snezhinsk. Rindu melancong

Madi indu iya ke tuai berengkah belajarka Bup Kudus ba taun 1999. Enam bulan udah nya, Lyudmila enggau iya belajarka Bup Kudus. Tetemuka saut ti ngemuaska ati pasal reti pengidup enggau kebuah utai ti enda lurus, pemangah sereta perang nyadi. Dibaptisa ba taun 2002

Interbiu

Baka ni nuan ngemansangka kaul nuan enggau Jehovah maya napi penanggul tu?

Sebedau pemerinsa tu nyadi, aku suah ngumbai diri enda beguna sereta enda berega ba Jehovah . . . Tang diatu runding aku berubah, lalu aku senang agi pechayaka diri beguna ba mata Jehovah. Pia mega Jehovah meri aku peluang kena ngemuliaka nama Iya ba kot di Snezhinsk. Nyadi, diatu aku andal Jehovah rindu sereta pechayaka aku. Aku berunding, lebuh Jehovah nejuka sesiti utai nyadi, tu meri aku peluang kena nunjukka diri andalka Iya.

Nama jaku peransang ari bala menyadi ke nulung nuan betan lebuh napi penanggul?

Sebedau kes berengkah dipechara keterubah kali, aku amat irau . . . Aku besampi: “. . . Beri meh aku roh kudus nuan. Aku minta ngagai Nuan Jehovah!” Enda lama udah nya aku nerima siti mesej ari seiku menyadi indu. Ku iya nulis: “. . . Penguji ba pengarap baka mesin basu. Iya bepusin lalu mulas kitai. Tang baka mesin basu ke nuchi gari, penguji mega ulih nulung kitai nyadi manah agi ari suba. Baka gari ke benung dibasu sereta dipulas, nuan tentu berasai takut sereta ditekan maya ditasat. Tang, pengirau sereta penguji ulih ngasuh nuan berega agi ba kami sereta ba mata Jehovah . . . Pagila nuan ba kot, tang nuan mega ulih ngasai pengerindu enggau tulung ari Jehovah.” Aku ngasaika Jehovah nemu asai ati aku, lalu ngena menyadi indu nya mantaika asai ati Jehovah ngagai aku.

Bala menyadi kitai ba Rusia terus bulih pengering sereta pengelantang ari Jehovah. Petara kitai ti bepengerindu ngasuh kitai andal Iya deka “ningaka sabak orang ke kena tekan, enggau orang ke nadai apai indai. [Iya] deka meri atur ti manah ngagai sida, ngambika orang badu agi ngemba sida.”—Masmur 10:18.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU