Kena 23 Mac 2020 di Menua Khabarovsk, ba Rusia, bala pemesai Federal Security Services (FSB) enggau kasar ngerumpak rumah Menyadi Igor Avramenko, semina enam hari pengudah iya mati ketegal sakit jantung. Sida bisi surat pemendar nyelungkai rumah sereta utai ke bisi ba rumah Menyadi Igor Avramenko. Taja pia, utai ke dirampas sida nya, komputer, kamera, enggau barang ke bukai ke enggi bini iya, Yelena, ti udah balu.

Sehari nya, bala polis datai ngagai endur Menyadi Yelena gawa, lalu mai iya pulai ke rumah diri. Lebuh iya pulai ke rumah, tuai penasat Stanislav Grebenkin sigi udah nganti penatai iya lalu nunjukka iya surat nya. Menyadi Yelena madahka sida, laki iya udah nadai. Tuai FSB nya endang udah nemu Igor udah nadai, tang iya madah, ketegal surat pemendar nya udah diberi sebedau FSB nemu pasal pemati Menyadi Igor, tu nyadika tegal sida agi ulih nyelungkai.

Tuai penasat nya madahka Menyadi Yelena sida semina deka meresa sereta ngiga utai mimit aja. Iya madahka tu patut nyadi, awakka “nembuka lalu nganjung kes tu ngagai arkib FSB.” Taja pia, sida lalu berengkah ngerumpak rumah iya.

Sepuluh iku Saksi di Menua Khabarovsk udah dituduh. Taja pan piak ti bekuasa bebendar nguji ngerusak pengarap bala menyadi kitai ba Rusia, kitai nemu sida “deka kering sereta likun,” laban bepanggaika pengarap ba Apai kitai, Jehovah.—Isaiah 30:15.