28 OKTOBER 2021
RUSIA
Cikgu Sekula ke Udah Pinchin ke Beumur 80 Taun Dituduh Ngereja Jenayah Laban Bejaku Pasal Bup Kudus
BERITA TI PEMADU BARU | Apil Menyadi Yelena Savelyeva Ditulak Kot di Rusia
Kena 14 Februari, 2022, Kot Pelilih Tomsk nulak apil ari Menyadi Yelena Savelyeva. Iya enda ibuh dijil ke diatu.
Garis Timpuh
17 November 2021
Kot Nengeri Severskiy ba Begian Tomsk ngumbai Menyadi Yelena Savelyeva besalah lalu meri iya ukum jil pengelama empat taun ti ditangguh. Sebedau tu, piak bedawa minta Yelena, ke beumur 80 taun, didenda mayar 500,000 rubles (kira-kira $7,198 U.S. tauka RM29,336)
22 Julai 2021
Kes pechara berengkah
25 Mac 2021
Piak bedawa muka kes jenayah ngelaban Yelena. Iya dituduh “ngumbuk lalu mai orang ngagai pengawa gerempung ekstremis” nitihka Artikel 282.2 ari undang-undang Rusia.
Tuduh tu bepelasarka utai ke dipadah dua iku indu ke ninga utai ke dikunsi Yelena pasal Bup Kudus, iya nya seiku ejen FSB lalu seiku da agi gawa ba Russian National Guard. Sida bepura-pura bisi minat belajar pasal Bup Kudus, tang sida ngerikut utai ke dikerandau sida enggau Yelena enggau belalai lalu nganjung penerang pasal iya enggau menyadi bukai ngagai piak bekuasa
Profil
Kitai bulih peransang ari pengeran Yelena ke deka mengkang tegap ba pengarap taja pan dituduh. Kitai andal Jehovah ingatka sida ke ‘begandin bau bebendar bekereja ke pengarap ti dibai Berita Manah lalu enda takutka munsuh sida.’—Pilipi 1:27, 28.
Nuan Engka Rindu Meda Tu
BERITA TI PEMADU BARU
Dijil Ketegal Pengarap Sida—Rusia
Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.