Kena 30 November 2020, Kot Pelilih Pervomayskiy ba Nengeri Omsk meri jaku gerah pasal Menyadi Sergey Polyakov enggau bini iya Anastasia, sereta Menyadi indu Gaukhar Bektemirova enggau Dinara Dyusekeyeva dikumbai besalah.

Menyadi Sergey diberi ukum jil pengelama tiga taun lalu tekala nya ditan. Tiga iku menyadi indu nya diberi ukum jil mega, tang ke diatu, sida bedau ditan. Ukum ke diberi ngagai sida entara dua taun ngagai dua taun setengah. Sida ulih pulai ke rumah diri. Maya Menyadi Sergey meri jaku penutup iya ngagai bala kot, iya nerangka enggau berani: “Jesus udah dulu madahka bala murid iya deka dipechara di mua gabenor enggau raja, ketegal sida nitihka singkang iya, ngambika sida meri saksi. Nitihka Bup Kudus, kes ke dipechara seharitu benung ngamatka jaku benabi tu. Semua tu nyadi ngambika orang ke apin nemu pasal Petara enggau kuasa Iya, ulih ninga pasal Iya lalu ngaga pemutus diri empu sekalika ka nyukung hak Iya tauka enda.”—Matthew 10:18.