Kena 29 September 2020, Kot Menua Pervorechenskiy ba Vladivostok nadai meri pemutus ba kes Menyadi Yelena Barmakina. Ari ke ngaga sebarang pemutus, kot nya mulaika kes tu baru ngagai piak ti bedawa, laban baka ke diterangka hakim dia, piak bedawa nadai meri chukup bukti ti nyukung tuduh pasal Menyadi Yelena udah masuk champur dalam pengawa ekstemis. Piak bedawa ulih ngapil pemutus ke digaga kot nya. Enti enda, kes nya diketuka nyentukka opis penawa ulih mantaika bukti ti terang nunjukka Menyadi Yelena besalah sereta patut dipechara.