Kena 7 Mac 2019, Kot Ngapil ba Khanty-Mansiysk Rusia, nginsil pemutus Kot ba Menua Surgut ke ngetanka Menyadi Artur Severinchik. Sebedau tu iya kala ditan, lalu nadai dipechara. Tang diatu iya udah dilepaska kena 15 Mac.

Menyadi Severinchik seiku ari tiga iku bala menyadi ke ditan kena 17 Februari, pengudah piak bekuasa datai ngagai endur sida enggau ngenyit. Sida ditan tang nadai dipechara. Piak bekuasa bejalaika pengawa tu ba menua Surgut enggau Lyantor. Taja pia, kot agi enggai ngelepaska dua iku menyadi ke bukai, iya nya Menyadi Yevgeniy Fedin enggau Sergey Loginov.

Kes tu udah ditemu mayuh orang ari serata dunya. Kot Eropah ke Bekaul enggau Hak Mensia ngasuh Menyadi Loginov, diperesa bala lutur ke ukai ari perintah menua nya, laban iya udah diperinsa sekumbang ke ditan.

Kitai gaga ati laban Menyadi Severinchik udah dilepaska. Aram meh kitai terus besampi ngambika bala menyadi kitai ke dijil ba Rusia terus bepanggai ba Jehovah. Sida ulih andal, seagi-agi sida bepanggai ba Jehovah, sida deka majak tegap.—Masmur 16:8.