Kena 19 Januari 2021, Kot Begian Kamchatka nulak kes apil Menyadi Sergey Ledenyov. Ukum asal ke diberi ngagai iya lalu berengkah tekala nya. Iya diberi ukum jil dua taun ke ditangguh. Reti nya, ke diatu iya enda ibuh ditan.

Sebedau kot ngaga pemutus ba kes iya, Sergey bepeluang bejaku ngagai bala kot. Enggau berani iya ngetanka pengarap diri sereta madahka pengeran iya deka terus nyembah Jehovah. Ku iya: “Pengarap aku bepelasarka ajar Bup Kudus, ukai adat sebarang gerempung. Ambika chunto, ‘semua rumah endang digaga orang, tang Petara ngaga semua utai,’ lalu ‘Jehovah meh nama Iya.’ (Hebrew 3:4; Pemansut 15:3) Tu endang fakta ti enda ulih diubah sebarang pemutus kot, lalu pengarap ba pemendar nya pan enda ulih dibuai ari ati aku.”