Kena 23 Disember 2020, Kot Pelilih Kemerovo nulak apil ke dipinta Menyadi Khasan Kogut. Ukum ke diberi ba pun suba (iya nya, ukum jil pengelama dua taun setengah ke ditangguh) deka berengkah kenyau ari diatu. Iya enda ditan ke diatu.

Taja pan Khasan asa ati laban diatu iya sigi bisi rikut jenayah ti ngenyaika nama iya, tang iya lantang ati laban nemu diri udah mengkang taluk ngagai Jehovah sereta diterima Iya. Khasan, bini iya Yekaterina, enggau anak seduai iya Timofrey ke beumur lapan taun, keran deka terus begulai nyembah Jehovah.

Kena 10 September 2020, Khasan meri jaku penutup ngagai bala orang ba kot. Enggau berani iya madah: “Aku enggai ngelengkaka pengarap aku ngagai Jehovah! Ba runding aku, barang sapa ka nguji mejal aku ngelengkaka pengarap, sida meh ke ngereja jenayah! Tu meh utai ke dipechaya aku. Enda ngira nama utai ke nyadi ba aku, ‘nadai utai, nemuka pemati, tauka pengidup, tauka melikat, tauka bala pemerintah, tauka utai ti diatu, tauka utai ti jemah ila, tauka kuasa, tauka dunya ti di atas enggau dunya ti di baruh, tauka semua utai bukai ti udah digaga Petara, ulih nyeraraka kitai ari pengerindu Petara.’”—Rome 8:38, 39.