Kot Nengeri Furmanovsky di Menua Ivanovo nyangka deka madahka pemutus kes Menyadi Yevgeniy Spirin kena 14 Julai 2020. Piak ti bedawa minta kot nya meri ukum dijil pengelama tujuh taun ngagai Menyadi Yevgeniy.

Menyadi Yevgeniy, ke beumur 34 taun, didawa ngatur pengawa gerempung ke dikumbai perintah Rusia “ekstremis”. Seiku ari Federal Security Service (FSB) ngepunka kes bedawaka iya kena 21 Januari 2019. Enam hari pengudah nya, bala ari FSB nyelungkai rumah Menyadi Yevgeniy enggau bini iya, Natalya. Kot Pelilih Oktyabrsky di Menua Ivanovo ngasuh Menyadi Yevgeniy ditan pengelama dua bulan nganti kes iya dipechara, semina ketegal iya tu seiku ari Saksi-Saksi Jehovah. Tang pengudah nya, timpuh iya ditan lalu dipanjaika.

Pengudah iya dijil pengelama 160 hari, iya lalu dilepaska kena 5 Julai 2019, lalu kenyau ari nya, iya ditan dalam rumah iya empu. Kena 18 Disember 2019, Kot Pelilih Oktyabrsky di Menua Ivanovo mutuska ngelepaska iya ari ditan ba rumah, taja pan pengari FSB enggai. Kot nya nadai meri sebarang sekat ke bukai ngagai Menyadi Yevgeniy.

Enggau ati ti andal, kitai besampi ngagai Apai Jehovah ke ba serega, awakka Iya ngimbai bala menyadi kitai ba Rusia ke diperinsa ketegal pengarap sida.—1 Peter 4:14.