Kena 10 Februari 2021, Kot Pelilih Abinskiy ba Begian Krasnodar di Rusia, ngumbai Menyadi Aleksandr Ivshin besalah. Umur iya 63 taun. Iya diberi ukum jil pengelama tujuh taun setengah. Kenyau ari taun 2017 (lebuh gerempung Saksi-Saksi Jehovah ditagang ba menua Rusia) nyentukka diatu, nadai Saksi ke bukai diberi ukum jil ke sepanjai tu.

Menyadi Aleksandr dituduh piak ti bekuasa kenyau ari 23 April 2020. Iya dikumbai besalah ketegal ngereja pengawa ke dikumbai sida “jenayah,” baka ngatur gempuru Kristian nengah konferen video sereta belaguka lagu Perintah Petara. Lebuh meri jaku penutup ngagai bala ba kot, iya nyimpulka kebuah iya bepegai rat ba pengarap iya enggau nerangka: “Bala tuan, aku madahka kita, jalai pengidup aku bepelasarka ajar Bup Kudus, lalu ajar nya sigi nadai sangkut paut enggau pengawa ekstremis tauka ngemansangka pemenchi.”