Kena 23 Oktober 2020, a Kot Menua Oktyabrsky ba Kirov madahka jaku gerah pasal kes Menyadi Anatoliy Tokarev. Iya dijangka dijil tiga taun setengah.

Anatoliy Tokarev

• Ada: 1958 (Baranovskaya, Begian Kirov)

• Biograpi: Dibesaika indai tunggal. Sebedau iya pinchin iya bekereja nyadi injineer komputer. Iya rindu ngambi gambar, main chess sereta nebah accordion. Jadi enggau Margarita kena taun 1979. Seduai iya bisi dua iku anak

• Ketegal iya belajar pasal sains, iya enda pechaya bisi penempa. Maya iya beumur 27 taun, iya berengkah belajarka Bup Kudus enggau Saksi Jehovah, nya baru iya nemu pengarap Kristian tu, enda ngelaban penemu sains

Kena 24 Mei 2019, piak bekuasa ari Pusat Ngelaban Ekstremis ba Rusia nyelungkai apartment sida Tokarev sebilik. Pegawai nya berengkah nasat Menyadi Anatoliy. Sida ngemba deka bedawaka Tokarev sebilik enti iya enggai ngaku diri ngereja pengawa ekstremis. Udah nya, Menyadi Anatoliy dibai ngagai begian penasat.

Nyauka lima bulan pengudah nya, Menyadi Anatoliy dituduh ngelanggar dua iti undang-undang menua Rusia. Iya dituduh melanja gerempung ekstremis. Penawa mega ngena rikut audio ari apartment Anatoliy lalu ngumbai iya ngatur gempuru alai litaricha ti ditagang dipelajar.

Kitai besampi ke Menyadi Anatoliy enggau sida sebilik. Kitai amat andal, Jehovah deka terus “tetap ati” ngagai sida sebilik.—Masmur 18:25.