Kena 3 September 2019, Menyadi Andrzej Oniszczuk dibibaska ari rumah jil ba Rusia. Iya ditangkap kenyau ari 9 Oktober 2018, ketegal iya nyembah Jehovah. Sepemanjai iya ditamaka ngagai rumah jil kediri, Menyadi Andrzej enda ulih betemu tauka bejaku enggau bini iya, Anna. Taja pan diatu iya udah bibas, tang semua pengawa iya agi dipantau, nyentukka iya enda ulih kini-kini. Nambahka nya, kes iya ke dikumbai penjenayah bedau tembu ditasat.

Kitai amat gaga ati laban penegap pengarap Menyadi Andrzej Oniszczuk enggau bini iya, tetap kering taja pan sida napi maya ti tusah tu. Kitai beterima kasih ngagai Jehovah, laban nyaut sampi kitai ke semua bala menyadi ke “kena tutup.”—Kolosi 4:2, 3.