Kena 2 Februari 2021, Kot Pelilih Birobidzhan ba Jewish Autonomous Region ngumbai Menyadi Artur Lokhvitskiy besalah. Umur iya 35 taun. Kot nya meri iya ukum jil pengelama dua taun setengah ti ditangguh, sereta nambahka nya nyekat iya dalam tiga taun. Ke diatu, Artur enda ibuh dijil.

Maya Artur ngenataika jaku penutup iya ngagai bala ba kot, ku iya: “Enda ngira nama penyadi ba kes aku saritu, aku ngumbai tu basa ti besai ulih bejaku ngagai semua kita seharitu. Sekali agi aku empu ulih meda pengamat jaku Jesus Kristus. Ku iya ba Bup Kudus, di Mark bagi 13, ayat 9 enggau 10: ‘Tang kita empu enda tau enda bejaga; laban kita deka diserahka ngagai Kunsil, . . . ngambika kita besaksi ngagai sida. Lalu Berita Manah enda tau enda dulu ditusui.’ . . . Ketegal aku nemu Berita Manah tu ti enda tau enda dipadah ngagai orang bukai, nya meh ke meransang aku nusui pesan nya. Aku ngumbai nya peluang ti amat manah, madahka tu ngagai nuan, tuan.”