Pengudah ditan pengelama 15 hari ba rumah jil senentang orang tangkap diukum, kena 11 Julai 2020, Menyadi Dennis Christensen dipulaika ngagai rumah jil biasa. Baka ke udah diriput ba ditu, iya diukum bepelasarka tuduh ti salah. Diatu, iya disegulaika baru enggau orang tangkap ke bukai. Iya mengkang ngembuan runding ti positif. Diatu, bala luyar Menyadi Dennis nguji deka ngapil dawa ti baru tu. Sida arapka apil tu enda ngachau kes iya ke bukai, ti minta diri dilepaska tumu.