Kena 26 Januari 2021, Kot Pelilih Leninskiy ba Rostov-on-Don ngumbai Menyadi Galina Parkova besalah lalu meri iya ukum jil pengelama dua taun tiga bulan, ti ditangguh. Ke diatu, iya enda ibuh ditan.

Lebuh meri jaku penutup ba kot, iya madah enggau berani: “Ketegal pengarap aku, aku nemu kebuah aku napi penguji tu sehari tu. Tuan aku, Jesus Kristus, udah madahka kebuah iya. Ba bup John bagi 15, ayat 20, Jesus madah: ‘Ulun enda besai agi ari tuan iya. Enti sida merinsaka aku, sida deka mega merinsaka kita.’”

“Enti sida merinsaka lalu munuh Jesus, iya nya orang ti ngeraika penyakit, meri orang pemakai lalu madahka orang pasal Apai iya enggau Perintah Iya ti deka datai, nama patut disadang bala murid Jesus deh? Lebuh aku disakal ketegal pengarap aku, nya ngasuh aku pechaya agi, aku seiku ari murid Kristus ti bendar!”