Kena 21 Disember 2020, Kot Pililih Leninskiy ba Rostov-on-Don ngumbai Menyadi Semyon Baybak besalah lalu meri iya ukum jil pengelama tiga taun setengah ti ditangguh. Ke diatu, iya enda ibuh dijil.

Beberapa hari sebedau pemutus nya digaga, Semyon meri jaku penutup ngagai kot, lalu iya nandu utai ke kala disebut seiku orang ke tebilang mantah Rusia laban enda nyaga hak mensia. Iya madah: “Sida [Saksi-Saksi Jehovah] balat diperinsa, tang sida tetap tuchum.” Udah nya, Semyon madahka diri setuju lalu nyebut: “Nya endang bendar. Aku nadai berasai tusah ati tauka ngembuan ati ti begedi.” Udah nya iya macha 2 Korint 4:8, 9, lalu nerangka baka ni ayat tu bisi kaul enggau iya empu sereta Saksi ke bukai ba menua Rusia: “Kami dituntung semua macham penusah, tang kami enda alah; beba runding tang enda kelalu tusah; kena perinsa, tang enda ditinggalka; dipalu, tang enda rusak.”