2 September 2020, a ba Kot Nengeri Berezovsky di Begian Kemerovo

Enam taun setengah ditan ba rumah jil

Sergey Britvin

• Ada: 1965 (Begian Kemerovo)

• Biograpi: Udah bepuluh taun iya deriba lori sereta kren. Ketegal penanggul ba pengerai, iya udah badu kereja. Iya pan rindu besukan

• Kena taun 1992 iya jadi enggau Natalya. Pengudah iya belajar pasal pengangkat ari pemati ti disemaya Petara, iya berengkah belajarka Bup Kudus kena taun 1995. Beberapa taun udah nya, bini iya Natalya pan berengkah belajarka Bup Kudus. Natalya alit ati enggau ubah ti manah ke digaga Sergey ketegal pengarap iya

Vadim Levchuk

• Ada: 1972 (Begian Kemerovo)

• Biograpi: Dibesaika ba ruang bilik ke enda bepengarap. Gawa pengelama 14 taun ba teruwung

• Kena taun 1992 iya berengkah belajarka Bup Kudus. Iya jadi enggau Tatiana kena taun 1997. Seduai iya bisi dua iku anak. Semua sida sebilik bebasaka Bup Kudus. Sida mega rindu besukan sereta pengawa bukai di luar rumah

Kena 22 Julai, 2018, bala ari Federal Security Service (FSB) nyelungkai lapan buah rumah bala menyadi kitai ba nengeri Berezovsky. Asil iya, Menyadi Sergey seduai Vadim ditangkap lalu ditasat. Pengudah nya, Kot Pelilih Menua Kemerovo Sentral ngasuh seduai iya ditan ba jil nganti kes sida dipechara. Seduai iya ditan dia pengelama nyau ka setaun setengah. Kena 25 Disember 2019, seduai iya dilepaska, tang terus ditan dalam rumah sida empu nyentukka seharitu.

Menyadi Sergey seduai Vadim nya dua iku entara lima iku menyadi lelaki ba Begian Kemerovo ke udah dituduh ngereja jenaya ketegal sida Saksi-Saksi Jehovah. Kitai berundingka sereta besampika semua bala menyadi kitai ke dijil ba Rusia. Ayat ba Hebrew 13:3 ngasuh kitai: “Kingatka orang ke dalam jil, baka ke ngasaika kita empu kena jil sama enggau sida. Kingatka orang ke kena perinsa, baka ke ngasaika kita empu kena perinsa.”