Kena 15 Februari 2021, Kot Pelilih Birobidzhan ba Jewish Autonomous Region ngumbai Menyadi Svetlana Monis besalah laban ngereja pengawa ke gerempung ti dikumbai ekstremis. Iya didenda mayar 10,000 rubles (tauka RM545).

Lebuh iya meri jaku penutup ngagai bala ba kot, Svetlana ngayanka pengarap sereta pemerani. Ku iya madah: “Aku deka kita nemu kebuah aku bediri di mua kita saritu . . . ketegal nama Tuan kitai Jesus Kristus enggau Apai iya Petara Jehovah. Bup Kudus bisi madah pasal pekara tu. Ba 1 Peter 4:14-16 dia madah: ‘Enti kita dikeleseka orang ketegal nama Kristus, kita bulih berekat, laban roh mulia, enggau roh Petara bisi enggau kita. Tang enti kita kena perinsa, awakka kita ukai diperinsa ketegal kita udah munuh orang, tauka udah ngenchuri, tauka udah ngereja penyalah, tauka udah tuyu ngachau orang. Tang enti kita kena perinsa ketegal kita nya orang Kristian, anang malu ke nya, tang beri puji ngagai Petara laban kita nyandang nama Kristus.”