Menyadi Vladimir Alushkin dilepaska ari rumah jil lalu betemu baru enggau bini iya kena 30 Mac, 2020.

Baka ke udah diriput, kena 25 Mac, Kot Pelilih Penza ngaga pemutus deka ngelepaska iya. Pemutus ke digaga nya nginsil ukum ke udah diberi ngagai Menyadi Kristian Lelaki Vladimir Alushkin, Vladimir Kulyasov, Andrey Magliv, enggau Denis Timoshin, sereta Menyadi Kristian Indu Tatyana Alushkina enggau Galiya Olkhova. Kot Pelilih Penza mulaika kes tu baru ngambika dipechara ba kot keterubah nya, tang kes nya deka dipechara hakim ke bukai. Nyentukka maya nya ila, semua sida ke enam iku nya ditagang ari mindah sereta diberi takat ke bukai.

Taja pan kitai endang gaga ati nerima berita pasal Menyadi Alushkin ke udah dilepas, tang semina dua hari aja pengudah nya, seiku da agi menyadi kitai di Rusia timur laut dituduh sereta diukum ketegal pengarap iya. Seagi-agi kot di Rusia terus meri ukum ti enda lurus baka tu, kitai andalka bala menyadi kitai di Rusia deka seruran ingatka utai ke ditulis ba Nahum 1:7: ‘Jehovah endang manah, nyadi kuta lebuh maya penusah. Iya nyaga orang ke ngenduh ba Iya.’