Kena 16 Disember 2020, Kot Pelilih Leninskiy ba Novosibirsk ngumbai Menyadi Yuriy Savelyev besalah lalu meri iya ukum jil pengelama enam taun. Menyadi Yuriy ke balat dikesayau kitai, mengkang tegap ba pengarap sereta bulih pemerani ari belajarka jaku benabi dalam Bup Kudus.

Lebuh iya meri jaku penutup kes iya ngagai bala orang ke bisi ba kot kena 9 Disember, Yuiry ngena peluang nya meri saksi. Enggau berani iya madah ngagai semua orang ke bisi sehari nya: “Jaku benabi ke disebut Jesus benung dikeamatka diatu, mua mata kita semua. Jaku nya ditulis dalam Bup Kudus ba Mark 13:9 ti madah: ‘Tang kita empu enda tau enda bejaga; laban kita deka diserahka ngagai Kunsil; lalu kita dipalu dalam balai gempuru; lalu kita deka bediri di mua gabenor, enggau di mua bala raja ketegal aku, ngambika kita besaksi ngagai sida.’”