Kena 10 Februari 2021, Kot Pelilih Kursk nulak peminta ari Menyadi Dennis Christensen, ke deka dilepaska tumu. Iya minta kot nya nejuka iya mayar ganti rugi ari ke terus dijil sepengelama ukum iya. Nitihka undang-undang Rusia, dalam lebih ari setaun ti udah Menyadi Dennis udah layak minta diri dilepaska tumu ari jil. Taja pia, peminta iya tetap seruran ditulak ba kot.

Baru-baru tu Dennis nuliska surat ngagai bini iya, Irina. Iya bekunsi enggau iya siti ayat Bup Kudus ke dikerinduka iya: “Nya alai, anang leju ngereja utai ti badas, laban ba maya ti patut kitai deka ngetau, enti kitai enda mantul ngapa.” (Galatia 6:9) Iya nulis pasal pengandal iya ngagai Jehovah, ti deka ngupah sida enti sida enda mantul ngereja utai ti badas, terus nulung orang bukai, sereta enda putus asa. Iya mega madahka juluk ati iya nya, ngeringka kaul iya enggau Jehovah nyentukka pengarap iya tegap agi lebuh iya dilepas, ari ke lebuh iya keterubah iya dijil.

Dennis udah diseraraka ari bini iya sereta dijil nyau ka empat taun, kenyau ari Mei 2017. Dennis seduai Irina terus nyadi teladan ti manah ke kitai laban sida ngayanka pengarap ngagai Jehovah, ngembuan pemaik dalam ati sereta ngayanka diri keran deka mengkang taluk ngagai Jehovah, enda ngira nama utai ke nyadi.—Pilipi 1:14.