Ba 28 Oktober 2021, Kot Besai Rusia ngaduka baru siti pemutus bekaul enggau pengawa ekstremis. Ubah nya madahka seiku orang, tauka siti raban, ke bejalaika pengawa sembah sida enda agi dikumbai enggau pengawa gerempung pengarap ke ditagang. Taja pia, pemutus Kot Besai nya enda ngetuka pengawa nyakal Saksi-Saksi Jehovah. Tu ketegal piak bekuasa ba Rusia nerima ubah tu ba mayuh chara ti bebida.

Ambika chunto, pengudah ubah nya digaga ba 28 Oktober, piak bekuasa udah nyerungkai abis kurang 13 buah rumah Saksi-Saksi Jehovah, apil Menyadi Irina Lokhvitskaya ditulak kot Rusia, lalu Menyadi Yelena Savelyeva ke beumur 80 taun dikumbai besalah. Tang ba 22 November 2021, siti kot ba Vladivostok ngumbai Menyadi Dmitriy Barmakin enda besalah, lalu nutup semua tuduh ke ngelaban iya.

Kitai enda nemu sekalika ubah ke digaga tu deka ngurangka sakal tauka indah ngasuh ukum jil ke diberi nya berat agi. Enda ngira nama deka nyadi, kitai deka terus arapka Jehovah enggau pengabis ati kena nulung bala menyadi kitai betan enggau gaga ati nyentukka Iya ngelepaska sida.—Masmur 146:3-5.