21 FEBRUARI 2022
RUSIA

Pengarap Sida Dikeringka ari Tulung Bala Menyadi

TEBAH

Enda lama da agi, Kot Nengeri Petrozavodsk di Republik Karelia deka madahka pemutus pasal kes Menyadi Maksim Amosov, Mikhail Gordeev, Nikolay Leshchenko, enggau Dmitriy Ravnushkin. Piak bedawa bedau minta sebarang ukum ke deka diberi ngagai sida.

Garis Timpuh

31 Julai 2019

Bala pegawai FSB nyerungkai rumah enggau endur kereja 16 iku Saksi
2 Ogos 2019

Maksim ditagang pansut ari menua. Piak bekuasa ngepunka kes jenayah Nikolay sereta enda ngasuh iya pansut ari nengeri iya
6 Ogos 2019

Maksim enggau Nikolay dituduh ngereja “jenayah” ketegal belajarka Bup Kudus
5 September 2019

Bala pegawai FSB nangkap Mikhail ba endur kereja lalu ngambi komputer iya. Kes jenayah Mikhail pan dibuka
20 September 2019

Bala pegawai FSB nyerungkai endur Dmitriy kereja sereta ngerampas talipun iya. Dmitriy ditasat pengelama empat jam. Kes jenayah dibuka sereta iya enda diasuh ninggalka endur iya
18 Oktober 2021

Kes jenayah berengkah dipechara

Profil

Mikhail Gordeev

Ada: 1959

Biograpi: Rindu nyemerai enggau ninga musik

Lebuh agi mit bisi tanya pasal Petara sereta tuju pengidup. Bini ti keterubah udah nadai lebuh anak seduai iya agi mit. Lebuh nguji ngiga pengelantang, iya betemu enggau siku ari Saksi-Saksi Jehovah lalu belajarka nama Petara. Beberapa taun pengudah nya, iya betemu baru enggau Saksi Jehovah sereta besetuju deka belajarka Bup Kudus. Dibaptisa kena taun 1996

Jadi enggau Yelizaveta kena taun 1999. Seduai iya bisi dua iku anak indu ke agi diau begulai

Interbiu

Baka ni nuan nulung ruang bilik nuan besedia napi pemerinsa?

Lebuh Saksi-Saksi Jehovah ditagang ba menua kami, . . . aku nemu pengarap kami deka diuji. Nya alai aku mutuska deka ngeringka pengarap aku enggau pengarap kami sebilik. Kami macha Bup Kudus sereta besampi begulai enggau bejarit, minta pemerani. Kami mega macha peneleba bala menyadi ke udah betan napi penguji.

Kati nuan ulih ngenang baru maya nuan ngasaika Jehovah udah nulung nuan ba chara ti spesial?

Kira-kira sebulan pengudah rumah aku diserungkai, aku ditangkap ba endur kereja. Sida mai aku kena nasat aku sereta nuduh aku ngereja jenayah. Lebuh aku ditasat sida balat ngemba aku. Sida madahka deka nganjung aku ngagai rumah jil sementara enti aku enggai madah pasal bala menyadi bukai. Nya maya ti amat tusah. Aku besampi ngagai Jehovah minta penemu-dalam enggau pengering. Iya nulung aku betan sereta enda besangkalka bala menyadi.

Nikolay Leshchenko

Ada: 1962 (Poltava, Ukraine)

Biograpi: Jadi enggau Svetlana kena taun 1984. Kena taun 1988, seduai iya betemu enggau dua iku Saksi lebuh Nikolay gawa nyadi soldadu ba Poland. Kena 1989 seduai iya datai ngagai pengawa Ngingatka Pemati Jesus keterubah kali. Ba taun 1993, pengudah pulai ngagai Rusia, seduai iya berengkah belajarka Bup Kudus lalu ba taun ti sama seduai iya dibaptisa

Interbiu

Baka ni Jehovah nulung nuan lebuh pejalai nuan disekat?

Ba ujung taun 2019, aku napi kemurungan. Maya nya Svetlana datai ngagai konvensyen ba Warsaw di Poland. Iya betemu enggau kaban kami ke diau ba Poland maya nya. Iya mai sida berandau enggau aku nengah konferen video. Aku enda entu ingat nama utai ke dipadah sida, tang berandau enggau sida ngasuh aku berasai lantang agi. . . . Aku ulih meda Jehovah ngena peluang nya kena nulung aku.

Kitai amat gaga ati laban bala menyadi kitai ba Rusia terus diau dalam pemendar taja pan diperinsa.—3 John 4.

a b Enda ulih interbiu iya.

Nuan Engka Rindu Meda Tu

BERITA TI PEMADU BARU

Dijil Ketegal Pengarap Sida—Rusia

Pegawai ari opis ti nyaga pengelikun dalam menua (FSB) nangkap Dennis Christensen laban iya sama enggau pengawa begempuru Saksi-Saksi Jehovah ke enda ngachau orang ba Oryol, Rusia.

BERITA TI PEMADU BARU