Kena 26 Oktober 2020, Kot Menua Lgov sekali agi nulak peminta ngelepaska Menyadi Dennis Christensen tumu ari jil, taja pan iya udah dijil lebih ari tiga taun. Iya ulih ngapil pemutus tu dalam timpuh sepuluh hari. Menyadi Dennis patut dilepaska ari jil kena bulan Mei 2022. Taja pan timpuh ukum jil iya nya enam taun, tang haribulan iya patut dibibaska udah digaga tumu agi ketegal iya udah lama dijil sebedau kes iya dipechara. Tang bulan nyin tadi, piak bekuasa rumah jil nya ngumbai Menyadi Dennis “penjenayah ti balat ngelanggar adat rumah jil.” Ketegal tu, piak ti bekuasa engka ngaga tu tegal ngemanjaika timpuh ukum iya lebih ari Mei 2022, enda ngira pengelama iya dijil sebedau kes iya dipechara.

Menyadi Dennis enggau bini iya, Irina, udah tan napi mayuh penanggul ba fisikal, mental enggau emosi kenyau ari iya ditangkap kena 25 Mei 2017. Taja pia, seduai iya mengkang gaga ati sereta keran deka betan napi penguji tu. Siti chara sida bulih pengering iya nya, nengah sampi ari bejuta iku menyadi kitai di serata dunya ti ngarika seduai iya.