Enda lama da agi, Kot Pelilih Leninskiy di Rostov-on-Don deka madahka pemutus pasal kes Menyadi Galina Parkova. a Enti iya dikumbai besalah, piak ti bedawa udah minta kot meri iya ukum jil tiga taun ti ditangguh.

Galina Parkova

• Ada: 1970 (Kaltan)

• Biograpi: Kena taun 1990 Galina jadi enggau Aleksandr. Seduai iya bisi tiga iku anak indu, sereta dua iku uchu. Sida belajarka Bup Kudus enggau Saksi-Saksi Jehovah lalu iya dibaptisa kena tuan 1995. Iya rindu belagu sereta ngelukis

Kena 6 Jun 2019, piak ti bekuasa ngepunka kes jenayah ngelaban Galina. Beberapa minggu sebedau nya, laki iya Aleksandr ditangkap lalu dijil, nganti nyentukka kes iya dipechara.

Ketegal laki iya dijil, Galina tusah ngiga belanja kena ngidupka diri. Nambahka nya, piak ti bekuasa nagang Galina ari ngambi duit ke disimpan iya ba bank, nyengkaum gaji iya. Ketegal tu, iya patut badu agi gawa ba endur kereja iya ke suba, lalu diatu iya ngiga sebarang kereja ngambika iya enda ibuh nerima gaji nengah akaun bank.

Bala menyadi kitai ba Rusia sigi “orang ke lurus [ti] bulih ukum ti patut diterima orang ke jai.” (Pengajar 8:14) Taja pia, teladan sida ngeringka kitai ngambika ulih bediri tegap, enda ngira nama penguji ke ditapi kitai.