Kena 25 September 2020, Kot Menua Yelizovsky ba Begian Kamchatka ngumbai Menyadi Konstantin Bazhenov, bini iya Snezhana enggau Menyadi Indu Vera Zolotova besalah. Keterubah iya, piak bedawa minta ganti rugi penyampau 600,000 rubles ($7,850 U.S. tauka RM32,700) ngagai Menyadi Konstantin enggau bini iya. Pia mega, Menyadi Vera pan dipinta mayar ganti rugi 400,000 rubles ($5,235 U.S. tauka RM21,800). Tang ke pengujung iya, ukum ti diberi kot iya nya, dijil pengelama dua taun lalu disekat pengelama enam bulan. Taja pan sida tiga enda dijil diatu, tang sida bisi rikut jil. Menyadi Konstantin, Snezhana enggau Vera lantang ati nemu diri enda dijil tauka diasuh mayar ganti rugi.