Sepemanjai bulan September ngagai Oktober 2019, begian timur Sepanyol suah bisi ujan bangat ti ngujungka mayuh pengerusak nyadi ba mayuh endur. Pengerusak ti pemadu balat nyadi kena 23 Oktober ba Tarragona. Ketegal ujan bangat, ai ba sungai Francolí niki lalu ngujungka ampuh bah nyadi. Ketegal penusah tu, bisi lima iku nyawa bebadi. Lalu kitai mega berasai tusah amat ati madahka, dua iku ari menyadi lelaki kitai mega ditabanka penusah tu. Maya seduai iya pulai ari gempuru, kerita seduai iya ditabanka arus ai lebuh seduai iya benung nengah jematan.

Bala tuai ti ngabas meransang bala menyadi ba endur nya, ti agi tusah ati ketegal penusah tu. Seiku ari Komiti Pampang Opis Sepanyol datai ngagai eklisia nya, lalu ngeringka sida.

Kitai besampi ngambi Jehovah terus ngelantangka ati bala menyadi kitai ke benung napi penusah tu.—2 Korint 1:3, 4.