Kena 17 Disember 2021, sekeda menua ari International Religious Freedom or Belief Alliance a (IRFBA) ngeluarka siti dokumen ke meri sukung ngagai Saksi-Saksi Jehovah ke diperinsa ketegal pengarap sida. Dalam dokumen nya sida minta ngambika semua bala Saksi ke dijil dibibaska, sereta pengawa nyamah, merinsa, nyerungkai rumah sereta bepilih mata diketuka.

Ba serata dunya lebih ari 150 iku Saksi-Saksi Jehovah dijil ketegal pengarap sida baka ba menua Crimea, Eritrea, Rusia, Singapura enggau Tajikistan. Raban ari IRFBA madahka diri “balat irau” ketegal “pengawa merinsaka Saksi-Saksi Jehovah majak mayuh nyadi” lalu sida patut bisi hak bibas bejalaika pengawa sembah sida enggau “enda diemba, dikachau, diperinsa tauka napi ulah bepilih mata.”

Kitai beterima kasih ngagai bala pemerintah mensia ke sanggup nyukung hak kitai nyembah Petara. Kitai nemu Jehovah deka terus ngelindung bala menyadi kitai ke benung diperinsa ke manggaika pengarap ngagai Iya, sereta “meri pemaik ti pemadu menyana” ngagai sida.—Isaiah 26:3.