Kena bulan November 2021, Saksi-Saksi Jehovah di serata dunya nyadung majalah Menara Jaga No. 2 2021 edisi ke orang mayuh dalam lebih ari 300 bansa jaku. Menara Jaga No. 2 2021 nyadika edisi ti keterubah ke disalin ngagai tujuh iti bansa jaku, iya nya jaku Faroese, Pijin Hawaii, Luxembourg, Manipuri (Roman), Odia, Pomerania, enggau Kriol Saint Lucian.

Menyadi Nicholas Ahladis gawa ba Opis Penyaup Penyalin ba indu opis. Ku iya nerangka: “Litaricha kitai ulih narit minat semua orang. Tang ba sekeda bansa jaku, enda chukup penyalin. Nyadi sida enda ulih nyalin tiap iti edisi Menara Jaga. Pampang opis ke ngemataka tim penyalin ke napi penanggul baka tu ulih nuliska surat ngagai Komiti Penulis Raban ti Ngiring lalu minta pemendar ngambika sesiti litaricha ke dipilih disalin ngagai bansa jaku nya. Tu meh utai ke nyadi baru-baru tu lalu ngujungka Menara Jaga No. 2 2021 disalin ngagai tujuh iti bansa jaku tu.”

Bacha sekeda pengalaman ari menyadi ke ngena bansa jaku tu lalu peda asil ti manah ke diulih ketegal kimpin tu sereta pengawa gerempung kitai ke deka nyadung litaricha dalam mayuh bansa jaku.

Kitai amat gaga ati laban nemu mayuh orang udah nerima Menara Jaga sekumbang kimpin ti spesial. Kitai nemu lebuh kitai ngaga kimpin baka tu, kitai ngereja peneka Petara, iya nya ngambika “semua mensia diselamatka, lalu nemu penemu pasal pemendar.”—1 Timoti 2:4.