Kena bulan Januari 2021, Raban ti Ngiring ngeluarka bup enggau brosur Idup enggau Lantang Belama Iya! Litaricha ke baru tu ngena chara ti baru nulung kitai ngajar Bup Kudus enggau landik agi.

Fungsi ti baru ditambah ngagai aplikasi JW Library. Tu nulung pengajar enggau pemelajar rindu agi belajar ngena brosur enggau bup digital tu. Telebaka diri enggau fungsi baru tu.

• Kati nuan deka nunjukka sesiti poin ngagai pemelajar nuan? Tekan genteran lalu siti menu deka pansut. Tekan Kongsi kena bekunsika link genteran nya.

• Kati nuan enggau pemelajar nuan deka ninga audio genteran nya dibacha? Tekan genteran lalu siti menu deka pansut. Tekan Mainkan kena ninga audio ari genteran nya.

• Gambarka pemelajar nuan ngena edisi ke dichelak, tang nuan ngena edisi digital. Kati nuan deka meda gaya edisi ke dichelak ke dikena pemelajar nuan? Tekan tiga titik ba atas sepiak kanan, lalu tekan Edisi Cetak. Enti nuan deka pulai baru ngagai edisi digital, tekan tiga titik baru lalu pilih Edisi Digital.

• Kati nuan deka nulung pemelajar nuan ngerikut pemansang sida dalam edisi digital? Peransang sida nulis haribulan ba kutak “Pelajar tembu ba” sereta nulis juluk ati sida ba Kutak “Uji Tu”. Sida mega ulih ngetik kutak ke mit ba charta “Tulis Pemansang Nuan”.